قهوة سادة ”قصيدة عامية ”

بقلم-أسماء قنديل

زمان كنت بحب القهوة بتاعتي زيادة
كنت اشربها وأنا مبسوط بكل سعادة
روحت وراح طعم القهوة وبقت سادة

روحت وراحت قعدة سمرنا الحلوة
بقيت بعشق الشاي إللي أنت حبيته
ومكنش كيف دا كان مجرد عادة

مشيت وقولت زمن الحكاوي راح يا سادة
بيقولوا أعز الولد ولد الولد وأنا عندك عزيز
لما ابكي تحضني وكتفك يكون أحن وسادة

قعدنا نحكي وجابلي قصة يوسف والنبي يعقوب
قولي عن حكاياتك أنت وشغال مع الرجالة
قولي عن أبويا في صغره وازاي علمته الريادة

كنت صغير ياابني لما كنت اشيلك واروح بيك واجي
اتخطفت بسرعة ياجدي قدر ومكتوب
فجأة لقيت الحكاوي راحت وماتت العادة

ادي حال الدنيا حزن وفرحة تجينا. هيفضل جدي أكتر حد حبني بزيادة
هتفضل القهوة تفكرني بيك ساده كانت أوحتى زيادة