علا النشار تكتب: أنا وزوجي وحماتي

جوزى النهارده طالع من عند امه مش طايقنى وعمال يتخانق معايا وجيت اسأله مالك راح ضربنى بالقلم ...طبعا اى واحده فيكم كانت هتجرى تغضب عند اهلها ...لكن انا بقي الوضع معايا مختلف ....دخلت غيرت هدومى ولبست واتزوقت ودخلت على المطبخ عملت له كوبايه قهوه وحطيتها قدامه

وقعدت جنبه على الكرسي ... بصلى وقالى لا انتى ولا اهلك عندكوا دم ....حسي على دمك وامشي من هنا مش طايقك
رحت مبتسمه وقولتله يسلم لسانك يالهوى على كلامك القمر
قالى انا بشتمك ياقليله الدم يابارده زي أمك قولتله بس حتى شتيمتك سكر .........لسانك بينقط عسل .....يالهوووى انا متجوزه قمر ياولاد
راح مصرخ فى وشي وطردنى بره البيت ورمالى العبايه بتاعتى والبوك بالفلوس على السلم .....رحت لابسه ونازله جايبه لب وفول سودانى ومكسرات وشيبسي وبيتزا وبيبسي وطلعت وعديت على حماتى ...اول ما شفتنى اتصدمت قالتلى هو انتى كنتى فين ومتزوقه كده قولتلها جوزى حبيبي باعتنى اجيب بيتزا ومكسرات وبيبسي علشان نسهر سوا .اصلى طلع من عندك قالى انتى وحشتينى ياست الكل وست الناس كلها يالهووى ياحماتى انتى مخلفة قمر ... قالتلى يعنى ما اتخانقش معاكى ولا زعقلك قولتلها لا تفى من بوءك دا عمال يدلع فيه من ساعة ما طلع ....ربنا يخليه ليا .....وسبتها تخبط دماغها فى الحيطة وطلعت فتحت الشقة ودخلت ...اول ماشافنى برق وقالى ايه رجعك انا مش طردتك من البيت يابارده ياعديمه الدم خلى عند امك دم واخفى من هنا .....قولتله جبتلك حاجات من اللي انت بتحبها ....قام وفضل يقول يالهوووى هتشلينى وفضل يخبط بأيده فى الحيطه لحد ما اتفتحت .....بنبص لقينا ابوه بينادى عليه ....عرفت بعد كده ان حماتى ..فضلت تصوت بعد ما طلعت لحد ما وقعت من طولها ......والدكتور مشتبه فى جلطة .........وجوزى ايده اتعورت وراح خيطها ......مش عارفه مين زعلهم ......يكونش فى حد حرق دمهم ....احلفلكم بأيه انى من كتر زعلى عليهم
مقدرتش اخلص البيتزا العائلى وفاض شريحة منها وربع ازازه البيبسي اللترين فاض وادينى واخده المكسرات والشيبسي ونازله أسهر بيهم جنب حماتى علشان اول ما تفوق تلاقينى فى وشها فاكيد ح تفرح وتخف بسرعه ........
ياله اعمل الخير وارميه البحر

مش عارفه قلبي الطيب دا هيودينى لحد فين
ياريت فىه منى اتنين فى الدنيا دى .